Ñane retã mbarete techaukaha hína ñane ñe’ẽ Guarani; ko ñe’ẽ yvypóra ymaveguare ohejáva ñandéve, oikove puku opaite jepurupyso ambue renondépe, ipahápe, upe Tetã Léi Guasu 1967-pe, oñemboguapy léipe ha oñemboajévo chupe ñane retã ñe’ẽramo.
Upéichare oñemboaje rirémante upe Tetã Léi Guasu 1992-pe, Guarani oñembotuicha ha oiko chugui ñe’ẽ teete castellano ykére, ha oñemoĩ avei oñembo’eva’erãha mbo’ehaokuérape ojeipysyrõ hag̃ua ko ñe’ẽ ypy, ha’éva ñane reko Paraguái ypy katuete.
Ko ñe’ẽ ojejuhu ysyry de la Plata jerekuépe, hetavérõ ypykuéra oñe’ẽva’ekue guaraníme ha ombohasa iñe’ẽ iñemoñarekuéra juru rupívante, ha upéicha rupi oikove ko’ág̃a meve.
Ou rire katu umi español-kuéra, pa’i jesuita-kuéra oha’ã oñe’ẽ guaraníme ikatu hag̃uáicha ombo’e Ñandejára ñe’ẽ ypykuérape, ha upépe oñepyrũ ojehai mbo’epy ñe’ẽtekuaa rehegua. Umi pa’i ombohasa heta kuatiañe’ẽ guaraníme ha upéva oipytyvõ avei ko ñe’ẽ ani hag̃ua ogue umi oúva omboguapy jepotyre pende ári.
Karai Carlos Antonio López sãmbyhy jave, ojeipease ha anive ojeipuru ko ñe’ẽ, upéicha jepe, ára ha ára, tavayguakuéra uperamoguare oñemongeta guaraníme hogapykuérape, tenondete kokue rupi ha mburuvichakuéra kosináme.
Ambue mba’e py’andýi oikóva avei oñembogue hag̃ua ko tembiejakue, ha’e karai Don Carlos omoherakuã rire peteĩ kuatiañe’ẽ tetã sãmbyhygua 1848-pe; upépe oiko ypykuéragui tetãygua katu oñemondo ojepe’a ha oñemyengovia hag̃ua héra joapy guarani español-pe. Téra ypykuéregua oñembojoajúva tekoha térã tekorehegua oñembohasa térã oñembojoja héra joapykuéra rehe, techapyrãramo Flores, Ríos, Saldívar térã Benítez.
Haimete katu ñane ñe’ẽ ojejuhu jey ikyre’ỹ hag̃ua ha ohechauka ko yvy ha’eha guarani mba’e, mokõive ñorairõ guasu jarekóvape ñane retãme; upe guarani ha’eva’ekue pe iporãvéva, ñane soldadokuéra oñomongetágui guaraníme ñorairõ ha’evépe g̃uarã ani hag̃ua umi ambue tetãgua oikuaa mba’épa oje’e, ha upégui upe guarani ñe’ẽ oiko techaukaha tetã rayhuha paraguái reko tee rehegua.
Ko’ág̃a rupi katu oñembo’e mbo’ehaokuérape ha og̃uahẽ vove pytaguakuéra, oñeha’ãmbytévava’erã oikuaa michĩmínte mbyky jepe guaraníme. Añetehápe niko jepokuaápe oñehundi ohóvo pe ñe’ẽ potĩ, ha oñembojehe’a castellano ndive (oje’eha jopara), jeporãramo avei guarani ha’e hína pe paraguáipe omopeteîva, ikatúva omoambue peteĩ ára mbyky ha ipytũva peteĩ techapyrã oporombopuka sapy’áva (desopilante) oñemombe’u vove guaraníme.
Uno de los símbolos de resiliencia nacional es sin duda, el idioma Guaraní, esta lengua heredada de los nativos sobrevivió en el tiempo a pesar de diversos obstáculos, hasta que por fin, en la Constitución Nacional de 1967, encontró su valor legal al ser declarada como lengua nacional.
Pero, fue solo hasta la proclamación de la Constitución de 1992 que el Guaraní fue elevado a la categoría de idioma oficial junto al español y se estableció su enseñanza obligatoria a fin de proteger la lengua materna, considerada como pilar fundamental de la cultura paraguaya.
Esta lengua fue descubierta en la cuenca del Río de la Plata, la mayoría de los pueblos originarios hablaban guaraní y lo transmitían de forma oral y fue así que sobrevivió hasta nuestros días.
Con la llegada de los españoles, los sacerdotes jesuitas aprendieron el guaraní para poder evangelizar a los nativos, fue así que nace la gramática escrita de la lengua. Los religiosos tradujeron libros y esto también sirvió para el idioma sobreviva ante el dominio de los colonizadores.
Durante el Gobierno de don Carlos Antonio López, el idioma fue perseguido y prohibido, a pesar de que en la vida cotidiana, los pobladores de la época seguían comunicándose en guaraní, sobre todo en las chacras y en las cocinas de los potentados.
Otro punto curioso que en donde se intentó apagar este legado fue mediante un decreto firmado también por Don Carlos en 1848, en donde se declaró ciudadanos a los indígenas, pero ordenó suprimir y reemplazar los apellidos en guaraní por apellidos en español. Nombres nativos vinculados a la naturaleza o a características personales pasaron a convertirse por traducción o similitud en apellidos como Flores, Ríos, Saldívar o Benítez.
Pero el idioma encontró la forma de consolidarse y sobre todo de demostrar que esta tierra es guaraní, pues en las dos guerras grandes que tuvimos en nuestro país, el guaraní fue clave, los soldados paraguayos se comunicaban en guaraní como estrategia militar clave para que el enemigo no entendiera los mensajes y de ahí, hablar guaraní se convirtió en un símbolo de identidad y patriotismo paraguayo.
Hoy por hoy, se enseñan en las escuelas y ante la llegada de cualquier extranjero, es obligatorio que estos aprendan al menos una frase en guaraní. Si bien, en lo cotidiano se perdió la pureza del idioma y éste se ha mimetizado con el español, creando expresiones coloquiales, el guaraní sigue siendo el sello por excelencia de un paraguayo, que es capaz de convertir un momento gris en una anécdota desopilante cuando lo cuenta en guaraní.
Fuente: unicanal.com.py